Class xi - JAPAN NOKDANG - OBJECTIVES

-

 JAPAN NOKDANG

Objective

1. Japan a.song bano donga?

Ans. Japan a.song Pacific sagal ni chongipa chichang tom.daksao donga.

2. Japan a.song ni skotong song maia?

Ans. Japan ni skotong songara Tokyo onga.

3. Japan nokdangona re.anggipa manderang uamang ni nokona napna 

skang maiko aganronga?

Ans. Japan nokdangona re.anggipa manderang uamangni nokona napna 

skang cholguga ni gantiko rengtenge “Gomen kudasai, gomen kudasai” ine 

aganronga.

4. “Gomen kudasai, gomen kudasai” inon maiko miksonga?

Ans. “Gomen kudasai, gomen kudasai” inon A.chikku chi “kema 

ka.pabo,ke,ma ka.pabo” ine ong.ska.

5. Japan nokdangni manderang an.tangtangni nokona reanggipa 

manderangko rimchaksona ong.katbao maiko agansoa?

Ans. Japan nokdangni m,anderang antangtangni nokona re.anggipa 

manmderangko rimchaksona ong.katbamitingo “Dozo kite kudasai, kite 

kudasai, kite kudasai ine changgittam bamgope chang.gittam agansoa.

6. “Dozo kite kudasai, kite kudasai, kite kudasau” inon maiko miksonga?

Ans. “Dozo kite kudasai, kite kudasai,kite kudasai” inon A.chikkuchi “ 

ka.sapae napabo, ka.sapae napabo, ka.sapae napabo” ine ong.ska.

7. Japan nokdangona re.ange uamangni nokningona napangmitingo nokni 

manderang maikai rimchaksoa?

Ans. Japan nokdangona re.ange uamangni nokningchina napangmitingo, 

nokni mande sakanti re.anggipa mandeko grongsoe “ Arigate gozaimus, 

arigate gozaimus” chong.motan “namen mitelbea, namen mitelbea” ine 

chang.gittam bamgope chang.gittam agansoa.

8. Maiko “Tatami” ine minga?

Ans. Japan nokdango uamang an.tangtangni nokkrarango so.op so.sop dake 

megapniko tarigimin amko ane dona aro ua tarigimin amkon “Tatami” ine 

minga.

9. Japan nokdango maiko “Zabuton” ine minga?

Ans. Japan nokdango uamang asongchakna gta am.pokrangni pal so.opipa 

balisrangko jakalskaa aro ukon “Zabuton” ine minga.

10. Maiko “Kimono” ine minga?

Ans. Japan nokdangni manderangni walo tusio gane tuna jakalgipa gananiko 

“ Kimono” ine minga.

11. Japan manderangni namnikbatsranggipa aro mingsingbatsranggipa 

cha.aniara maia?

Ans. Japan manderangni namnikbatsranggipa aro mingsingbatsranggipa 

cha.aniara “ Sukiyaki aro Teriyaki” minggipa onga.

12. Japan a.songni mongsonggipa toromara maiarang?

Ans. Japan asongni mongsonggipa toromara “ Bhuddism aro Shintoism” 

ong.a.

13. Japan ma.a paa ni dedrangko rakbate manenganiara maikai ong.a?

Ans. Japan ma.a paa ni dedrangko rakbate manenganiara “ Angde na.a 

Japan bi.sa ongna kraja “ inesan ong.aia. Aro ia kattanan Japan dedrangrang 

grapaia.

14. Japan manderang badea jatni manderangming apsana?

Ans. Japan a.songo songdonggipa Japan manderang Assam ni a.brijolo 

songdonggipa manderangming apsana.

15.Japan a.songo makkre manggitamko bimang dake apsan line o 

janggilatgrike tarie dona. Uarangoni mangsako mikron rim.tipe , 

manggipinko nachil mengtipe aro mangsako ku.sik rim.tipe taria. Iani 

miksonganiara maia?

Ans. Japan a.songo makkre manggitamko apsn line o janggilatgrike , 

mangsako mikron rim.tipe, manggipinko nachil meng.tipe aro mangsako ku.sik rimtipe tarie donani miksonganiara Namgijako ninabe, namgijako 

knatimnabe aro namgijako aganabe ine miksongani onga.

16. Japan ma.a paarang maikai dedrangko sason ka.a?

Ans. Japan maa parang dedrangko nama kam cholon o pangnan skironga. 

Uamang dedrangko ong.gijana rakbate manengon Angde na.a Japan bi.sa 

ong.na kraja inesan ong.aia . Aro ia katanan japan asongni dedrangarang duk onge graprongaia.


Comments

Post a Comment

Popular posts from this blog

Class xi - PORTRY - SECTION

-
 POETRY Q. Balrorokario mai obostarangko nikna man.na poed o pangchake tale sebo. Ans. BAlroro kari ian S.S Marak ni segimin poed o ong.a. IA balroro kari ba ia  somoirango an.ching dingtang dingtang ong.a obostarangko niknagta man.a.  BAlroro kari ni somoirango p’lak a.ba dange cha.giparang ua somoion  a.barngko so.ronga aro uamang ni a.ba so.ani wal.kurangan a.brirango guri  dinagta nikpilaia. UA somoirango salrang ding.beani gimin wa.arangni brete  gam.anirangko knarongna aro salakkimrang dongjae sal ding.a nangchake  a.arangan ran.krekpilaia. Jen salo balwarang balbaa unon buring bolgrimrangni  bijakrangrang balwana ruronga aro bolkol wa.kolrango balwa bala nangchkode  maikoba spoaranggta gam.anirangko knaronga.Aro balwarang rakbajokon  bolni cheksirang ge.sa ge.gipin baksa natudetgrike gam.aniirangkoba knaronga.  Balroro kario a.ba damantion a.gatek ba ganjaparangan gapchipaia.  Kosako je kattarangko janape sea ua kattaran...
Read more

Class xi - A,CHIK JATNI KU,RITNG AGANANIRANGO JAJONG ARO ASKIRANGNI GIMIN AGANANIRANG - OBJECTIVES

-
 A.chik jatni ku.riting aganao Jajong aro Askirangni gimin Agananirang. Objective 1. Sal ro Jajong saowarang ong.a? Ans. Aa.chik bebe ra.anigta Ssal aro Jajong dal.batsranggipa miteni dedrang  ong.a. Sal ara adatang aro uko Aejangga Redingbanda ine minga aro uko  Salgra ineba minga. Jajong salni nogipa ong.a aro uni bimingko Susime  Sangkildo ine minga. 2. Salgra aro Susime ni gisik silchi ko mai minga? Ans. Salgra aro Susime ni gisik silchiko Katchi Beari Rangsi Tokkni ine minga. 3. A.chik rangni bebe ra.anigta dalbatsranggipa mite me.chikni  bimungrangko mai minga sulsul sebo. Ans. A.chikrangni bebe ra.anigta ia dalbatsranggipa mite me.chik ni  bimungko, uni dingtang dingtang kamrangko chusokatmitingo obostani kri  bimungrangko minga. Mesokna gta, Jajongko ba.mitingo ua miteni  bimungko Susimema-Sangkildoma ine minga, Salko ba.mitingo Chingchini- Chingchina ine minga, A.gilsak ko ba.mitingo A.anma-A.dindin ine minga,  Chi ko ba.mitingo Chii...
Read more

Class xi - NIKIJAGIPA GAM - DESCRIBTIVES

-
 DESCRIBTIVE Q. Nikgijagipa Gamara maia? Mark-Twin ni donggipa gittimo donggipa bisarang  dal.rorobahaon maina kangal ong.nagta nangaha? Ans. Nikgijagipa gamara jean an.ching mande sakantio donggipa gun ba  seng.ani jekon an.ching nikuja aro u.ikuja uan a.dubekni ning.o donggipa  gamchatbegipa sona ni nikgija donggipagta chacha ong.ani gimin uan  nikgijagipa gam ong.a. Mark-Twin ni gittimo donggipa bi.sarang salantian chibimani  rikamo an.cheng dramrango kalgrike rorongachim. Aro ua somoiorango ua  bi.sarang kusi onge an.senge kalgrike roanikosan u.iaiahachim. Uamang  salantian chibimani rikam an.cheng dramrango an.chengrangko ga.dapdape  mande dake kalakesa roiaha aro saowa dramo a.kolrangko tu.bate cho.na  mangen ine susarongesan roiahachim. Indiba uamangni ga.dapdape kalgrike  rogipa biaprango aro an.chengdramrango aro sepangjolni a.bri a.timborango  sonani bittin gnang inede darangba chanchijaha. Indiba ua bi.sarang on.tisa...
Read more