Class xi - PORTRY - SECTION

 POETRY

Q. Balrorokario mai obostarangko nikna man.na poed o pangchake tale sebo.

Ans. BAlroro kari ian S.S Marak ni segimin poed o ong.a. IA balroro kari ba ia 

somoirango an.ching dingtang dingtang ong.a obostarangko niknagta man.a. 

BAlroro kari ni somoirango p’lak a.ba dange cha.giparang ua somoion 

a.barngko so.ronga aro uamang ni a.ba so.ani wal.kurangan a.brirango guri 

dinagta nikpilaia. UA somoirango salrang ding.beani gimin wa.arangni brete 

gam.anirangko knarongna aro salakkimrang dongjae sal ding.a nangchake 

a.arangan ran.krekpilaia. Jen salo balwarang balbaa unon buring bolgrimrangni 

bijakrangrang balwana ruronga aro bolkol wa.kolrango balwa bala nangchkode 

maikoba spoaranggta gam.anirangko knaronga.Aro balwarang rakbajokon 

bolni cheksirang ge.sa ge.gipin baksa natudetgrike gam.aniirangkoba knaronga. 

Balroro kario a.ba damantion a.gatek ba ganjaparangan gapchipaia. 

Kosako je kattarangko janape sea ua kattarangara S.S 

Marakni segimin poedoo janapgimin BAlroro kario ong.a obostarangni gimin 

talataha.

Q. Wachi kari ni somoio ong.a obostarangni gimin talate sebo.

Ans. Wachi kari ba mikka wakari ni somoio anching banga dingtangdingtang 

ong.a obostarangko nikna mana. Wachi karini somoio a.ba soa.ani a.galmak ba 

dim.akrang mikka wadapako mane uarangni bibarang smilbajok aro a.arang 

chijimaniko man.e a.brirango sangkrarang nadobajok. Bolchim bolrangba bite 

nangbajok aro mikka wabae chirang dongbahaon ang.ke danorangba 

a.bigilrango bitbajok. A.brini ta.ja ba narotrangba nakatjok aro ta.jongrangba 

bolrango wedobajok. Chiring chibisikrangoba mite achak ni mikoanirangko 

knajok aro pstslrsngo do.maskirangni jikjakjikjak mikoanirangkoba knarongjok. 

Buring bolgrimrango jingjingbengrang mikojok aro snaru bolno bibalrangba 

baljok. A.bani mi misi rangba bite dakbajok aro me.apekrangba nadobajok. 

Iarangsan ongaigija wachi karini somoirango mikkarang wae a.arang 

nom.anigimin a.arang be.gipue a.kol ning.ni sogimin senggipa bibarangba 

ong.kata. Kosako je kattarangko janape seaha uandake dingtang 

dingtang ong.a obostarangko an.ching wachi kari ni somoirango niknagta 

man.a.

Q. Misi karini somoiorango mai mai obostarangko nikna mana poedo 

pangchake talabo.

Ans. Misi karini somoi ong.a obostarangko an.ching niknagta man.a, jean a.bao 

mi-misi satgipa gogiparang bite dakbajokon ong.bajokon, mi misi ni nokipa ba 

a.bani nokiparang a.barango saksanba mikkutengteng dakemangba misisi 

rangna tutimna nangjok. Ua mi misini karirango chiring rong.brakrango seppru 

ba etcharu rangni malame cha.amanirangko nikronga aro brung rama 

samsigrimrango ru.atrangni gol.ikang malamanirangan gapaijok. Aro a.bao mi 

misigrimni ning.arango te.e biterangba rimitchipchip minbajok. Buring 

boldimrango do.krurang sa.jok aro chini na.ma ba na.biarangni apsan apsan 

dake tom.dake jroe roanirangkoba nikjok. Ua somoiorango chipu 

chalangrangni buringrango malamanirangkoba nikronga aro samsirango 

guktomrangni bilpripraanirangkoba nikna man.a.

Q. Poedoo janapanigta mite kari ni somoirango maimai obostarang ong.a 

janape sebo.

Ans. Mite karini somoirango ong.a obostaraang, jean a.bani mi misirang 

minbana a.bachengjok. Ua somoiorango chiringni rong.marango rimilgipa 

chirimarang chiringni chirang jokpakange su.srangagta dake rong.ma ba 

rong.brakrangba mikajolaia. Chiringni na.chitekrangba chiring chibisikrangona 

dobaronga. Mite karini somoiorangko ramarango jong.dompa ba 

gonggongsingrangnik sringanirangkoba nikronga aro chiring dare antion 

dandrakrangni mikoanirangko knaronga. Te.rik bipangni bijakrangrangba 

silbajok, a.bani spin ba apingrangba bite dakbajok aro buringrango matrangni 

mikoanirangan gapaijok. A.bani kil bipangrang bite dakbajok, jal.ik 

bipangrangba rimitchipchip bite minbajok aro rasin bijakrangni simildingding 

bibal balanirangkoba nikna manjok.

Q. Poedoo janapanigta A.ran karini somoiorango maimai ong.a obostarangko 

nikna manronga poraigimino pangchake talatbo.

Ans. A.ran karini somoio jean sin.karni somoi sokbajok, ua somoirango 

me.gong bibal balanirangan bokchipchip dakaijok. Ua somoiorango banga 

manderangan lau patchalrango nokni noksam ba nokilrango dingdee 

donanirangko nikna man.a. Sin.karini somoio ba A.rankario a.kinte ba 

a.mangrangan rakkrekbajok aro an.chengrang balwa balkitkite tom.dake 

donganirangko nikna manjok aro kasi bipangrangba gipokchipchip bibal baljok. 

A.rankarini somoion ta.makku ge.giparangba dal.dalbajok, gurirang onbajok 

aro samsirangon ripamchirang gapaijok. Chiring chibisikrangba tipangjok aro 

chiringni chibisikni na.chitekrangba chirang chonangani gimin ong.onrorobajok. 

So.sisi ba chonchongipa do.orangba jinma jinma cha.ambajok, na.tok 

na.batrangba chi wari dal.aona ong.onbajok aro mat, mese rangba sin.kari 

ong.baani gimin bolkolrangoni ong.katbajok. A.ran kari ba sin.kari ni somoio 

banga manderangan sin.ana wa.al chaknagta sa.rarangona tom.dakronga aro 

kangal cholgrigipa manderang sin.ani gimin an.tangtangko ding.atnagta bol 

bigilrangko kike kombol dake tarie tuna nangjok.

 Indake kosako janapgiminranggta a.rankari ni somoiorango 

dingtang dingtang ong.a obostarangko an.ching niknagta man.a

……………………………***********…………………………….******…………………