Class xi - NIKIJAGIPA GAM - DESCRIBTIVES

 DESCRIBTIVE

Q. Nikgijagipa Gamara maia? Mark-Twin ni donggipa gittimo donggipa bisarang 

dal.rorobahaon maina kangal ong.nagta nangaha?

Ans. Nikgijagipa gamara jean an.ching mande sakantio donggipa gun ba 

seng.ani jekon an.ching nikuja aro u.ikuja uan a.dubekni ning.o donggipa 

gamchatbegipa sona ni nikgija donggipagta chacha ong.ani gimin uan 

nikgijagipa gam ong.a. Mark-Twin ni gittimo donggipa bi.sarang salantian chibimani 

rikamo an.cheng dramrango kalgrike rorongachim. Aro ua somoiorango ua 

bi.sarang kusi onge an.senge kalgrike roanikosan u.iaiahachim. Uamang 

salantian chibimani rikam an.cheng dramrango an.chengrangko ga.dapdape 

mande dake kalakesa roiaha aro saowa dramo a.kolrangko tu.bate cho.na 

mangen ine susarongesan roiahachim. Indiba uamangni ga.dapdape kalgrike 

rogipa biaprango aro an.chengdramrango aro sepangjolni a.bri a.timborango 

sonani bittin gnang inede darangba chanchijaha. Indiba ua bi.sarang on.tisa 

a.ako tikkele cho.atkuode, uamangni ga.dapdape ga.belbele roenggipa 

an.chengdramrangni ning.o sonani dongako nikna man.genchim. Indake ua 

somoio uamang an.senge kal.grike kusi ong.e roanikosan u.iaiaha. Jen somoio 

uamang dal.rorobahaon uamangni roronggipa an.chengdramrangko kusiniko 

manjaha aro okkriana an.tangtangni oktangtangko gapatnagta cha.aniko am.na 

dingtangdingtang a.gilsakni bakrangona re.ongkatangnagta nangaha. Aro 

chonmitingni somoio antangtangni salantio kusi ong.e an.senge roanikosan 

dal.e ra.e, mikkangchi janggi tanganina gisik nange tikkeljahani gimin Mark-

Twin ni gittimo dongipa songni bi.sarang dalahao kangal ong.e dongnagta 

nangaha.

Q. Nikgijagipa gamara maia? Uko nikjani a.sel A.chik a.songna mai ong.enga?

 A.chik jatni dedrangrangko sonani bittin pil.atna maiko dakna nangen?

Ans. Nikgijagipa gamara an.ching mande sakantio donggipa gun ba sng.ani 

jekon anching nikkuja aro ma.sikujachim, uan a.dubekni ning.o gamchatbegipa 

sonani nikgija dongagta chacha ong.ani gimin, uan nikgijagipa gun ong.a.

Ia nikgijagipa gunko nikjani a.sel an.ching a.chik jatna 

namen p’laknigtan ja.manchakbeaniko niknagta man.enga. Nokdango aro 

songsaro janggi tanganioba namroro silroroanikrang dongjaenga. Aro A.chik 

chadamberang an.tangtangni janggi tanganio aro u.iani aro a.gilsakni 

seng.aniko skie ba lekka poraanio namen jamanchakbeaniko nikna manenga. 

Indake namgipa aro seng.gipa sapgipa manderangan A.chik chadamberango 

dongpajani gimin an.chingni a.songko aro jatko rikanioba namroro 

silroroanirang komienga. Maina an.chigni janggi tanganioba Mark-Twin ni gittimni songo donggipa bi.sarangni salantian an.tangtangni mikkangchi janggi 

tanganina aro seng.ani aro niksenganina jotton ka.na gisik nanggija chibimani 

rikamo anchengdramo kusi onge kal.grike somoioko re.atgipagta chacha 

ong.enga. Indaken an.ching a.chik jatrangni janggi tanganio aro a.somgko jatko 

rikanio aro lekka poraani bidingrangoba ja.manchakbeenga. Indiba A.ching 

A.chik jatni dedrangrangba ua nikgijagipa gamko nikpagenchimode, A.chik 

dedrangrangba niksenggipa aro seng.giparang ong.pagenchim aro a.songko 

songko noko rikanioba namroro silroroanirangko nikpagenchim.

Indiba an.ching dao a.chik jatni dedrangrangko 

gamchatbegipa sonani bitinrang pil.atnagta mangen. A.chk dedrangrangko 

nikgijagipa gamko nikatnagta aro sonani bitinrang pil.atnagta chol 

man.mitingon nama janggi tanganio skian baksa a.gilaskani seng.aniko skie 

ra.nagta didigipa aro jotton ka.atgipa ong.na naggen. Aro p’lak a.chik 

chadamberanga antangtangni mikkangchi janggi tanganina chadambeni 

somoion lekka poaanina tikele jotton ka.nagta nangen. Indake jensalo 

an.tangni tikkelanichi chusokahaon a.ching mande sakantio donggipa 

nikgijagipa gamko nikna mangen, aro unon a.chik chadamberang sonani 

bittinranggta chacha ong.en.

Indake sonani bittinrangko jrongate an.tangtangni gisikni 

seng.aniko jakale a.songna jatna kamko ka.ode an.chingni A.chik a.songba 

namroro silrorogen aro A.chik chadamberangba niksenggipa aro a.songna 

teng.sugiparang ong.en.

……………………….***……………….*****…………………………..****** …………………….