Class xii - LEKKA PORA ARO GISIK BIMIK - DESCRIBTIVES

 Lekka Pora Aro Gisik Bimik

Describetive

Q. Namgipa , Bil.akipa Aro Baigipa A.songko rikna gta maidakipa 

songdonggiparangko nanga? Lekka pora aro gisik bimik lesson o 

pangchake talatbo.

Ans. Lekka pora aro gisik bimik lesson o janapani gtade, jatko 

a.songko rikani bidingo skangni chasong aro da.oni chasongming 

namen dingtanggrikbeaha ine nikna man.a.Batanggimin sal somoi 

aro skangni chasongo janggi tangani bewalrangko niatgenchimode, 

A.gilsako gisik a.ning bite u.igipa manderang, ma.manti daka rikani 

ta.rake a.gagta, chi kosakgta, chininggta ba salgi joljol bile songre 

songbatanirangko tariaha aro a.song ge.sa ge.gipino matte dake 

songdongenggiparangkojinma baksa re.grike dogrike apsan janggi 

tanganiona sokataha.Aro a.songsa a.songgipin baksa ba saksa sakipin 

baksa nangrimgrike, ka.sagrike janggi tangbaaha.

Da.o ia chasongo ba an.chingni chasongba, bang.a 

jatrangan namnamgipa lekka poraanio namen tang.dobaaha aro gisik 

a.ning bitanirangan batrorobaha. Indake ong.genchimoba ia 

chasongo janggi tanganirangara brinbawegipa aro nangkingkanggipa 

janggi tanganisa ong.baskaha. Maina mandeni janggi tanganio u.iani 

gisik nikenggipa bilrangan dongkujaenga. Namgipa janggi tanganiko 

chanchina aro uko rikna gta u.iani gisik ba niksengani bil dongjaode, 

nama janggi tanganiko daknagta man.ja. Uni gimin jedake chasongni 

kri janggi tanganirang tang.dororobaa uandaken an.chingni 

chasongoba namgipa gisik niksenggipa, lekka pora ba gisik a.ningbite 

chanchigipa manderang dongna nangchongmotenga. Je jat ba je 

a.songni mandeba ong.chong lekka pora na simsakijagipa ua namgipa 

janggi tanganiona manderangko saldonagta amja aro jatni 

re.mikanganio namen bilding bildang ong.ani aro champengenggipa 

obostarangko dakgrikna chusokijani ba bil amgijani onga.   Uni gimin jat ba a.songko sinjetani ba onchepaniko gisikni 

seng.nichi daklgrike chena ba jatko a.songko chel.chaknagta lekka 

pora ba u.iani gisik aro niksenggipa bil ko nangchngmota. Maina, 

u.iani gri ba gisikni seng.ani gri a.songko jatko rikaniara chusokipa aro 

baikamgipa ong.nagta amja. Uni gimin namgipa aro baikamgipa 

a.songko riknagta ka.donggipa, kaketgipa, chanchirakipa, niksenggipa 

aro bil.akipa songdonggiparangko nangchong,ota.

Q. Lekka pora maidake an.chingna jakaltobegipa aro baikamgipa 

bostu ong.a? Maina ia chasongo a.songo songdonggipa 

manderangna u.iani gisik aro niksengani bilko nangchongmota?

Ans. Lekka poraaniara mandeni janggi tanganio nikijako nikani aro 

u.igijako u.iani mingsa chol ong.a aro uan gisik ni niksenganiko 

ra.baa.

Lekka poraani u.iani gisik mandeni janggi tanganio 

chusoksranggipa dilanian ong.a. Indake uan an.chingna 

jakkaltobegipa aro baikamgipa bostu ong.a. aro uan an.chingni gisiko 

gamchatbegipa aro ching.kame donggipa janggini chakkigtaba 

ong.chongmota. An.chingni gisiko lekka poraani ba gisikni 

seng.aniara mandeska cha.uani gri ong.a aro maming dakeba 

bon.chongdikaniba dongja. Aro ian an.chingni janggi tanganio 

an.chingna kaketgipa nokkolgtaba ong.a, jean, plak kammo, 

chanchianio, aro agananio mandena kamko chusokatgipa aro 

namgipa ong.na dakchaka. Rang, gam, rasong, iarangna a.gilsakni 

manderang ma.ringa ba man.asika, maina uarangchi uamang altubee 

janggi tangnagta man.a aro mandeskani mikkango gamchate janggi 

tangna chol ong.a. indiba indakipa dakchakanirangara dikdiksanasan 

ong.rongaia. Indiba lekka poraani jean gisikni seng.aniara an.chingni sia sijana kingking an.chingni gisikosa dongkamani gimin ua maming 

dakeba gimajaha aro uan mandeni janggi tanganio dal.batgipa 

mandena dakchakaniko on.gipa gamchatbegipa gam ong.chongmota.

Uni gimin ia chasongo an.chingni janggi tanganio, 

u.iani gisik ba nisengani billko an.ching sakantinan nangchongmota. 

Maina u.iani gisikita nangan salo altuae dakchakaniko on.a mangipa 

darangba a.gilsako ripenggri aro uan an.chingko rakbegipa seppi gta 

ganggope rakkia. Aro uan an.chingna matsramgipa mil.am gta jechin, 

janggi tanganio bang.bea engtogijagipa bobilrangko dakgrike chena 

gta ama. Aro an.chingni nama ku.patianio aro nama kamko ka.anioba 

an.chingna dakchakipa, chongmotgipa ripenggta chacha 

ong.chongmota. Uni gimin an.ching sakantian mandeni janggi 

tanganio ian dakipa lekka poraani aro gisik seng.ani, u.iani gisik ba 

niksengani bilko, chong.motan, matsramgipa aro chusoksranggipa 

silchidareko nangchongmota. Uni gimin an.ching sakantian janggi 

tanganio pilak kamrango chusokaniko ba niksenganiko man.agta, 

lekka poraani aro gisik seng.anina bim,chipe chotton ka.giparang 

ong.chongmotna nangchongmota. 

………………………………………………****……………………………………