Class xi- JAPAN NOKDANG- DESCRIBTIVES

-

 Q. Japan a.songko sawa seaha? Uni segimin ki.tapo janapanigta Japan manderang A.chikrangna maidakipa skianirangko on.a?

Q. Japan a.song ni manderangni namgipa cholon bewal ba uamangni 

dakbewalrangni gimin poraigimino pangchake tale sebo.

Ans. Japan nokdang poraiani lessonko Pa .Rev.Gilbert K. Marak seaha.

Uni ki.tapao janapanigta Japan a.song Pacific sagalni 

chongipa chichang tom.daksao donga. Aro uamangni a.songan Asia ode 

mingsingbatgipa man.e cha.batgipa aro daka rikanio name changbatgipa asong 

ong.a.

 Japan asongni manderangni cholon bewal aro uamngni nama 

dakbewalrangko niatgenchimode an.ching A.chikrangna bang.a skidapaniko 

kamrangrangko nikna man.a

 Japan a.songo songdonggipa manderang uamang rongtal 

an.tale donganio namen namgipa onga. Uamang an.tangtang ni a.barangko 

namen rongtale rakia, nokrangko nitoe rakia, aro noksam nokilrangoba pul 

bibalrangan gapchipaia. Japan songjinmarango aro songadamrango bangbatan 

nokrangko bolchi rika indiba nokni noking sonerangko name nitoe taria. 

Uamangni nokdangrango sa.ra barirang chonchongenchimmoba uarango 

nitoriri bibalrangan balkame dongaia maina nokni manderang uarangko 

tarikame rakia. Uamangni sorokrango aro nokilrango lekka bichit 

galamangkoba niknan manja. Japan a.songni manderang uamang rogtal an.talaniosan 

ongaija indiba sokiparangrangko soka chakanioba namen nambegipa 

nokdangrang onga. Uamang nokantion ong.asipile cholgugarango gantirangko 

kadee dona. Indake je manderangan uamangni nokona reanga uamang ua 

gantiko rengtenge ‘ Gomen kudasai, gomen kudasai’ ine aganronga, 

chong.motan kema ka.pabo, kema ka.pabo ine miksongani onga. Aro nokni 

nokipaba antangtangona sokbagipa mandeko rimchaksona ong.katbaon 

chang.gittam bamgope “ Dozo kite kudasai,kite kudasai ,kite kudasai “ ine 

chang.gittam agansoa, chong.motan ka.sapae napabo, kasapae napabo, 

kasapae napabo ine ong.ska. Je mandeba re.agbo uamang gane re.anggipa 

ja.kopko paranggao oke donate so.op so.op dakipa sandalko ganatskae 

noknikchina rimnapskaa. Nokningchina napangon nokni mande sakanti 

reanggipa mandeko grongsoe “Arigate gozaimus, arigate gozaimus,arigate 

gozaimus” ine chang.gittam bamgope chang.gittam agansoe rimchaksoa. Jeni 

ortoan Namen mitelbea, namen mitelbea, namen mitelbea ine ong.skaa. 

Indake uamangni saksa sakipinko mande ra.grikanirang namen nama aro ia 

namgipa dakbewalrangko uamang nokantion dakronga. Uamang antangtangni 

nokni kutturirango aro pakmarango dal.dalbegipa aro namnambegipa skiani 

gnangipa noksarangko sale sitee dona. Uamang nokkra gimikan “Tatami” 

minggipa so.op so.op dakipa amko ba carpet ko ane dona. Uamangni nokrango 

asongchakna choki ba table rangko jakalja indiba Tatamion uamang 

asongtokaia. Indiba sokipa manderangna uamang asongchaknagta “Zabuton” 

minggipa so.op gipa balisrangko on.skaa. Uamang jinma dule asongna gita 

jatchio “Habitchi” minggipa table ko done wa.alrangko sika indiba anchinggta 

am.bolko jakalgija rokomsa wal.kugijagipa anggal ko jakalskaa. Japan 

nokantion “nitoani App” ba beauty spot donga jeon nitobegipa noksako sale 

sitee dona aro uni ka.mao ongipa table ko done uni kosako nitobegipa 

bibalrangko tarie dona. Aro uamangona mande ra.ako man.a kragipa 

manderang sokbaon ua “Nitoani App” ni sambaon asongatronga. Aro ua 

biapkon “Tokonoma” ine minga. Japan nokdangni manderang uamang salo 

gangipa ba.rako walo gane tuja indiba uamng dingtangmancha walo gane tuna 

jakalgipa jean “Kimono” minggipa barakosa gane tusironga. Japan a.songo 

Christian manderangde bang.jabea. Ua asongo mongsonggipa toromara 

“Buddhism aro Sinthoism” iarang onga. Uamangni a.songo je ma.malba ongja 

maina ia mingsa skianikode uamang namen bebe ra.a jean, Uamangni a.songo 

makkre manggittam ko bimang dake apsan line o janggilatgrike tarie dona. 

Uamangoniko mangsako mikrong rim.tipe, manggipinko nachil meng.tipe aro mangsako ku.sik rim.tipe tarie dona. Iarangni miksonganiara -Namgijako 

ninabe, namgijako knatimnabe aro namgijako agnabe ine miksongani onga. 

Aro ia skianikon Japan asongo dongipa gimik ma.malni manderangan mania.

 Indake kosako talatbagimingta, Japan asongo 

songdonggipsa Japan nokdangni manderangni cholon bewalrang aro uamangni 

p’lak dakbewalrangan namen namgipa onga. Uamangni kamara Sokiparangna 

simsakanian uamangni skanggipa dakbewal onga. Gnigipao nokni manerangna 

simsakani aro gittamgipao antangna simsakanian onga. 

……………………………………***………………………***……………………………………….

Comments

Post a Comment

Popular posts from this blog

Class xi - PORTRY - SECTION

-
 POETRY Q. Balrorokario mai obostarangko nikna man.na poed o pangchake tale sebo. Ans. BAlroro kari ian S.S Marak ni segimin poed o ong.a. IA balroro kari ba ia  somoirango an.ching dingtang dingtang ong.a obostarangko niknagta man.a.  BAlroro kari ni somoirango p’lak a.ba dange cha.giparang ua somoion  a.barngko so.ronga aro uamang ni a.ba so.ani wal.kurangan a.brirango guri  dinagta nikpilaia. UA somoirango salrang ding.beani gimin wa.arangni brete  gam.anirangko knarongna aro salakkimrang dongjae sal ding.a nangchake  a.arangan ran.krekpilaia. Jen salo balwarang balbaa unon buring bolgrimrangni  bijakrangrang balwana ruronga aro bolkol wa.kolrango balwa bala nangchkode  maikoba spoaranggta gam.anirangko knaronga.Aro balwarang rakbajokon  bolni cheksirang ge.sa ge.gipin baksa natudetgrike gam.aniirangkoba knaronga.  Balroro kario a.ba damantion a.gatek ba ganjaparangan gapchipaia.  Kosako je kattarangko janape sea ua kattaran...
Read more

Class xi - A,CHIK JATNI KU,RITNG AGANANIRANGO JAJONG ARO ASKIRANGNI GIMIN AGANANIRANG - OBJECTIVES

-
 A.chik jatni ku.riting aganao Jajong aro Askirangni gimin Agananirang. Objective 1. Sal ro Jajong saowarang ong.a? Ans. Aa.chik bebe ra.anigta Ssal aro Jajong dal.batsranggipa miteni dedrang  ong.a. Sal ara adatang aro uko Aejangga Redingbanda ine minga aro uko  Salgra ineba minga. Jajong salni nogipa ong.a aro uni bimingko Susime  Sangkildo ine minga. 2. Salgra aro Susime ni gisik silchi ko mai minga? Ans. Salgra aro Susime ni gisik silchiko Katchi Beari Rangsi Tokkni ine minga. 3. A.chik rangni bebe ra.anigta dalbatsranggipa mite me.chikni  bimungrangko mai minga sulsul sebo. Ans. A.chikrangni bebe ra.anigta ia dalbatsranggipa mite me.chik ni  bimungko, uni dingtang dingtang kamrangko chusokatmitingo obostani kri  bimungrangko minga. Mesokna gta, Jajongko ba.mitingo ua miteni  bimungko Susimema-Sangkildoma ine minga, Salko ba.mitingo Chingchini- Chingchina ine minga, A.gilsak ko ba.mitingo A.anma-A.dindin ine minga,  Chi ko ba.mitingo Chii...
Read more

Class xi - NIKIJAGIPA GAM - DESCRIBTIVES

-
 DESCRIBTIVE Q. Nikgijagipa Gamara maia? Mark-Twin ni donggipa gittimo donggipa bisarang  dal.rorobahaon maina kangal ong.nagta nangaha? Ans. Nikgijagipa gamara jean an.ching mande sakantio donggipa gun ba  seng.ani jekon an.ching nikuja aro u.ikuja uan a.dubekni ning.o donggipa  gamchatbegipa sona ni nikgija donggipagta chacha ong.ani gimin uan  nikgijagipa gam ong.a. Mark-Twin ni gittimo donggipa bi.sarang salantian chibimani  rikamo an.cheng dramrango kalgrike rorongachim. Aro ua somoiorango ua  bi.sarang kusi onge an.senge kalgrike roanikosan u.iaiahachim. Uamang  salantian chibimani rikam an.cheng dramrango an.chengrangko ga.dapdape  mande dake kalakesa roiaha aro saowa dramo a.kolrangko tu.bate cho.na  mangen ine susarongesan roiahachim. Indiba uamangni ga.dapdape kalgrike  rogipa biaprango aro an.chengdramrango aro sepangjolni a.bri a.timborango  sonani bittin gnang inede darangba chanchijaha. Indiba ua bi.sarang on.tisa...
Read more