Class xi - A,CHIK JATNI KU,RITNG AGANANIRANGO JAJONG ARO ASKIRANGNI GIMIN AGANANIRANG - OBJECTIVES

 A.chik jatni ku.riting aganao Jajong aro Askirangni gimin Agananirang.

Objective

1. Sal ro Jajong saowarang ong.a?

Ans. Aa.chik bebe ra.anigta Ssal aro Jajong dal.batsranggipa miteni dedrang 

ong.a. Sal ara adatang aro uko Aejangga Redingbanda ine minga aro uko 

Salgra ineba minga. Jajong salni nogipa ong.a aro uni bimingko Susime 

Sangkildo ine minga.

2. Salgra aro Susime ni gisik silchi ko mai minga?

Ans. Salgra aro Susime ni gisik silchiko Katchi Beari Rangsi Tokkni ine minga.

3. A.chik rangni bebe ra.anigta dalbatsranggipa mite me.chikni 

bimungrangko mai minga sulsul sebo.

Ans. A.chikrangni bebe ra.anigta ia dalbatsranggipa mite me.chik ni 

bimungko, uni dingtang dingtang kamrangko chusokatmitingo obostani kri 

bimungrangko minga. Mesokna gta, Jajongko ba.mitingo ua miteni 

bimungko Susimema-Sangkildoma ine minga, Salko ba.mitingo Chingchini-

Chingchina ine minga, A.gilsak ko ba.mitingo A.anma-A.dindin ine minga, 

Chi ko ba.mitingo Chiinma-Chidindin ine minga aro Wa.alko ba.mitingo 

Urendama-Urenchima ine minga.

4. A.chikrangni bebe ra.anigta dalbatsranggipa mite me.chik bano aro 

maikai siaha?

Ans. Ki.tap o janpani gta ia dalbatsranggipa mite me.chik a.gilsak salgisakni 

dimdak ko ba.mano Sretonggitchak Gitok Warikkak chong.motan Wa.al ko 

ba.aha. Indake wa.alko bamitingo uni ja.ping taprape , ki.sang gilkrime 

Chameragu A.totru Samsi Meri minggipa biap o gitele siaha.

5. Saowarang Susimema Sangkildoma ni siaona grapmangtat na re.baha?

Ans. Susimema Sangkildoma ni siaona grapmangtat na re.bahipa 

nomilrangko Chapchore aro Nireganje ine minga.

6. A.chikrang maiko Mangganchi ine minga?

Ans. A.chikrangni bebe ra.anigta Susimema Sangkildoma ni manggisiko 

so.chakrang ganchi daonaba salgi bangbango aski rongbri ong.e dongenga 

ukon Mangganchi ine minga.

7. A.chikrang maiko mangripe ine minga?

Ans. Susimema Sangkildomani manggisiko ba be.en bikapko ripeaniko salgio 

aski chi mesoka ua askikon Mangripe ine minga.

8. Maiko Wal.sado ine minga?

Ans. Susimema Sangkildomani manggisiko gatmano uko so.na wa.al 

sinambaako mesokipa askikon Wal.sado ine minga.

9. Susimema Sangkildoma ni siaona do.o rim.bagimirangko mai minga?

Ans. Susimema Sangkildomani siaona do.o riim.bagimin rangko Do.jinjok ine 

minga.

10.Do.sutot, Menggoripe aro Wakripe minggipa askiara maiko miksonga?

Ans. Do.sutot, Menggoripe aro Wakripe minggipa askiara, Susimema 

Sangkildomani siani somoio bi.sarangni menggo aro wakko ripee roako 

miksonga.

11.Susimema Sangkildomani manggisiko maichi pindapa?

Ans. Susimema Sangkildomani manggisiko pindapna ua somoio ba.rarang 

dongpajani gimin ba.ra ni pal uni manggisiko guurichisa pindapaiaha.

12. A.chikrang maiko matma ja.kol ine minga?

Ans. A.chik ma.gitcham pagitchamrangni bebe ra.anigita Susimema 

Sangkildomani manggisiko so.a mangani somoio den.a ine matma 

mangsako moe ra.baengachim. Ua somoio manggisiko so.a mangao dama 

kram aro rangdrang aro adil sikana matma kenaha. Uni gimin matmako 

mobaenggipa dama dadok,dadok; adil dasik,dasik ine aganwatatahachim. 

Unon saksa mande knasrete matma mobaengjok dama bate dokbo, rang 

bate dokbo, adil gam.bate sikbo ine agansikaaha. Una damako bate dokoa, 

adilko gambate sikoara matmade kenjagoke mobagipa mandeoni biltete 

katangaha. Uni katangani chin daonaba salgio aski rama dake dongenga aro 

ukon A.chikrang Matma ja.kol ine minga.